«Ата-ана болу модельдері және ата-ана әлеуеті» әлеуметтанушылық зерттеу нәтижелері бойынша талдамалық баяндама
Талдамалық баяндама Қазақстан Республикасы Ақпарат және қоғамдық даму министрлігінің тапсырысы бойынша ұйымдастырылған «Ата-ана болу модельдері және ата-ана әлеуеті» әлеуметтанушылық зерттеу нәтижелеріне негізделген. Отбасылық тәрбие және отбасы саясаты саласындағы мамандардың арасында жүргізілген сараптамалық сұхбат деректері зерттеудің эмпирикалық негізін құрады. Зерттеу ата-ана болу модельдерін, қазақстандық отбасындағы тәрбиенің ерекшеліктерін, ата-ана әлеуетін зерттеуге және отбасы саясаты саласында ұсынымдар әзірлеуге бағытталған.
Мемлекеттік отбасы саясаты саласындағы мемлекеттік құрылымдар мен ұйымдарға, үкіметтік емес ұйымдарға, қалың жұртшылыққа, зерттеушілерге, аталған тақырып бойынша жұмыс істейтін мамандарға және барлық мүдделі тараптарға ұсынылады.
