Азаматтық неке Қазақстандағы неке-отбасы қатынасының моделі/түрі ретінде әлеуметтанулық зерттеу нәтижелері бойынша талдамалық баяндама – 2022
«Азаматтық неке Қазақстандағы неке-отбасы қатынасының моделі/түрі ретінде» тақырыбындағы әлеуметтанулық зерттеуі Қазақстан Республикасы Ақпарат және қоғамдық даму министрлігінің тапсырысы бойынша әзірленді. Зерттеудің эмпирикалық негізін мемлекеттік мекемелерде некеде ресми тіркеусіз тұратын Қазақстан Республикасының азаматтары арасында жүргізілген терең сұхбат деректері құрады. Зерттеу «азаматтық некеге» тұру факторларын, себептерін анықтауға, бірге тұратын адамдар мен олардың балаларын құқықтық, экономикалық, әлеуметтік қорғауға, сондай-ақ отбасылық саясат саласындағы ұсыныстарды әзірлеуге бағытталған.
Мемлекеттік отбасылық саясат саласындағы мемлекеттік құрылымдар мен ұйымдар, үкіметтік емес ұйымдар, қалың жұртшылық, зерттеушілер, осы тақырып бойынша жұмыс істейтін мамандар және барлық мүдделі тараптарға ұсынылады.
